Merab Dvalişvili super yüngül çəkidə UFC çempionluq kəmərini qoruyub. Kaliforniyada keçirilən tədbirdə gürcü döyüşçü Rusiyanı təmsil edən Umar Nurməhəmmədovu məğlub edib.

Nurməhəmmədov döyüşün ilk iki raundunda daha yaxşı görünsə də, Merab Dvalişvili üçüncü raunddan tempi artıraraq rəqibini nisbətən çətinləşdirib.

Dördüncü raundda Dvalişvili daha da fəallaşıb və Nurməhəmmədov heç nə edə bilməyib. Eyni vəziyyət beşinci raundda da davam edib və sonda hakimlərin yekdil qərarı ilə gürcü qalib elan edilib.

Merab Dvalişvili UFC tarixində ən çox rəqibini 92 dəfə yerə yıxaraq Georges St. Pierre rekordunu da qıra bilib.

Gürcü döyüşçü ötən ilin sentyabrında Şon O’Malleyi məğlub edərək çempion titulunu qazanıb və bu gün karyerasında ilk dəfə bu titulunu qoruyub.

Merab Dvalişvilinin qarışıq döyüş növləri üzrə 23 döyüşdən sonra 19 qələbə və 4 məğlubiyyəti var. Bu qələbə onun ardıcıl 12-ci qələbəsi olub.