Məcburi Köçkünlər üzrə Agentlik tərəfindən verilən məlumatda ukraynalılar üçün sosial yardım və mənzillə təminatın 1.800.000 lari həcmində, onların müvəqqəti yaşayış yerinin isə 200.000 lari həcmində maliyyələşdirildiyi deyilir.

Agentlik tərəfindən verilən məlumatda bildirilir ki, hökumətin 15 iyul tarixli qərarı ilə müəyyən edilmiş meyarlara cavab verən və yardım üçün agentliyə müraciət edən bütün Ukrayna vətəndaşları və Ukraynada daimi yaşamaq hüququ olan şəxslər təmin ediliblər.

“Proqramın icrası prosesində heç bir ləngimə yoxdur və bu günə olan məlumata görə, artıq 2064 ailəyə (4050 nəfər) yardım edilib. İyulun 15-dən sonra ukraynalıların sosial yardımı və mənzil təminatı 1 milyon 800 min lari, müvəqqəti mənzillə təminat 200 min lari, onlara göstərilən tibbi xidmətlər isə təxminən 800 min lari həcmində maliyyələşdirilib.

Bundan əlavə, hökumətin 2022-ci ilin oktyabrın 25-də keçirilən iclasında Ukrayna vətəndaşları və Ukraynada daimi yaşamaq hüququ olan şəxslər üçün sosial-iqtisadi dəstək proqramının müddəti altı ay uzadılıb. Dövlət proqramına paralel olaraq Məcburi Köçkünlər üzrə Agentlik beynəlxalq təşkilatlarla fəal əməkdaşlıq edir və Ukrayna vətəndaşlarına yardım prosesi koordinasiyalı şəkildə həyata keçirilir.

Agentlik həmçinin hökumətin sərəncamı ilə müəyyən edilmiş meyarlara cavab verməyən, lakin onlara maliyyə yardımı göstərən Birləşmiş Millətlər Təşkilatının Gürcüstandakı Qaçqınlar üzrə Ali Komissarlığı (UNHCR), World Vision Gürcüstan, ASB Gürcüstan və Kea Qafqaz kimi təşkilatlara müraciət etmək imkanı olan vətəndaşlara da vasitəçilik edir. Dərc edilmiş məktubda adı çəkilən şəxslərdən hökumətin sərəncamı ilə müəyyən edilmiş meyarlara cavab verən 10 Ukrayna vətəndaşı agentlikdən tam maliyyə yardımı alıb.

Agentlik beynəlxalq təşkilatlarla gündəlik əlaqə saxlayır və onlar tərəfindən də ukraynalı qaçqınlara yardım prosesinin ləngimədən aparıldığı təsdiqlənir”- deyə Məcburi Köçkünlər üzrə Agentliyin məlumatında deyilir.