Mixeil Saakaşvilinin Gürcüstana daxil olması işi üzrə saxlanılan Qiorqi Narimanidze, Elquca Tsomaia, Zurab və Şalva Tsotsorianı Tbilisi Şəhər Məhkəməsi həbsdə saxlayıb.

Bugünkü prosesdə saxlanılan şəxslər barəsində seçilmiş həbs-qətimkan tədbirinə baxılıb.

Prokurorluq saxlanılan şəxslər barəsində ən ağır tədbirin həbs-qətimkan tədbirinin qüvvədə saxlanılmasını ,
müdafiə tərəfi isə saxlanılan şəxslərin qətimkan tədbiri olmadan buraxılmasını tələb edirdi.

Məlumat üçün bildirək ki, faktla bağlı Gürcüstan Cinayət Məcəlləsinin 375-ci maddəsinin ikinci hissəsi, 344-cü maddəsinin 3-cü hissəsinin “a” bəndi və 344-cü maddənin 1-ci hissəsi ilə istintaq aparılır.

Müqəssirlər – Qiorqi Narimanidze, Elquca Tsomaia, Şalva və Zurab Tsotsorialar ağır cinayəti ört-basdır etməkdə ittiham olunurlar. Elquca Tsomaia barəsində həmçinin sərhədi qanunsuz keçməyə köməklik etməkdə ittiham irəli sürülüb.