ABŞ Konqresinin Nümayəndələr Palatasının spikeri, respublikaçı Mayk Conson və bir neçə milli təhlükəsizlik komitəsinin sədri Ukraynaya yardım paketinin öz versiyasını hazırlayır – bu barədə “Deutsche Welle” xəbər verir.

Medianın yazdığı üzrə, qanunvericilər onların təşəbbüsünün Konqresdə səs çoxluğu  toplaya biləcəklərinə ümid edirlər.

Yayılan məlumata görə, Ukraynaya yardım paketinin hazırlanması planları ilkin mərhələdədir. Bununla yanaşı, Ukraynaya qeyri-hərbi yardımın kredit şəklində köçürülməsi məsələsi də variantlardan biridir.

Medianın məlumatına görə, ABŞ-ın sanksiyalar çərçivəsində ələ keçirdiyi Rusiya aktivləri Kiyev üçün kreditin təmin edilməsi üçün istifadə oluna bilər.