Media məlumatına görə, Novorossiyskdə yerləşən Rusiyanın ən böyük neft anbarlarından birinə dronlarla hücum edilib və bu, genişmiqyaslı yanğına səbəb olub

Ukrayna mediasının məlumatına görə, dronlar gecə Novorossiyskə hücum edib və bu, “Qruşovaya” neft bazasında yanğına səbəb olub. Həmin obyekt “Şesxaris” yükləmə kompleksinin tərkib hissəsidir.

Novorossiysk sakinləri gecə saatlarında təxminən 50 zərbə barədə məlumat veriblər.

“Qruşovaya” sənaye obyekti Novorossiyskdən təxminən 12 kilometr məsafədə yerləşir. Bu obyekt Qafqazda ən böyük neft ötürmə anbarlarından biri hesab olunur. Açıq mənbələrə görə, sənaye ərazisi təxminən 212–213 hektarı əhatə edir. Burada neft və neft məhsullarının saxlanması üçün onlarla çən yerləşir və ümumi tutum 1,2 milyon kubmetrdən çoxdur.