Volodimir Zelenskinin Ukrayna mediasında yayılan məlumatlara görə, o, daha 2–3 il davam edə biləcək müharibəyə hazırlıq göstərişi verib.

“The Economist” nəşrinə istinadən yayılan məlumatda bildirilir ki, Ukrayna kritik mərhələyə çatıb: ölkə suverenliyini qoruyub, lakin davamlılıq təkbaşına qələbə demək deyil və dövlət resurslarının tükənməsi, insan potensialı və cəmiyyətin uzunmüddətli dayanıqlılığı kimi problemlərlə üz-üzədir.

Mənbələrin məlumatına görə, Zelenski “daha 2–3 il müharibəyə hazırlıq” barədə göstəriş verib və Ukraynanın bu müddət ərzində döyüşü davam etdirməsi üçün kifayət qədər potensiala sahib olduğu qeyd olunur. Bununla yanaşı, məqalədə ölkənin müharibə şəraitində militarizasiya və korrupsiya riskləri ilə üzləşə biləcəyi də vurğulanır.