Gürcüstanın Mədəniyyət, İdman və Gənclər Nazirliyi Gürcüstanın Milli Kinematoqrafiya Mərkəzi ilə birlikdə çoxseriyalı bədii filmin ssenarisinin yaradılması üçün müsabiqə elan edir.

Gürcüstanın mədəniyyət, idman və gənclər naziri Tea Tsulukiani və onun birinci müavini, kino mərkəzinin rəhbəri Kaxa Sixarulidze bu gün keçirilən brifinqdə müsabiqənin şərtləri və müddəti barədə danışıblar.

Tea Tsulukiani müsabiqənin bu gün elan edilən prosedurun ilk mərhələsi olduğunu, ssenari yaratmaq və inkişaf etdirmək məqsədi daşıdığını açıqlayıb. Nazir ikinci mərhələnin birinci mərhələnin nəticəsi olaraq yaradılmış ssenarilər üzrə 2023-cü ilin əvvəlindən kino istehsalının maliyyələşdirilməsini nəzərdə tutduğunu bildirib.

“Müsabiqə şərtlərinə əsasən, mini-serialın mövzusu Gürcüstanın ən yeni tarixi (XX-XXI əsr), gürcü idman tarixi və ya gürcü ədəbi əsərinin ekranizasiyası ilə bağlı olmalıdır.

Müsabiqə şərtlərinə əsasən, minimum üç, maksimum beş seriyalı film üçün müsabiqə elan edilir. Hər epizodun (seriyanın) müddəti təxminən 45-60 dəqiqə olmalıdır. Ən yaxşı ssenarinin yaradılması üçün maksimum 50.000 lari ayrılıb. Bir epizod (seriya) üçün maksimum büdcə 10.000 laridir. Mini-serialın istehsalı üçün isə 2023-cü ildə ən azı 500.000, maksimum isə 1.000.000 lari ayrılacaq.

Fərdi sahibkar və ya hüquqi şəxs olan prodyuserin müsabiqədə iştirak etmək hüququ var. İstehsalın maliyyələşdirilməsi məqsədilə 2023-cü ildə layihə iştirakçılarından digər sənədlərlə yanaşı, televiziya və ya distribyutordan (kinozal, rəqəmsal platforma) maliyyə iştirakını və/və ya əməkdaşlığı sübut edən sənəd təqdim etmələri tələb olunacaq.

Tender müraciətləri 2022-ci ilin sentyabrın 26-dan 2022-ci ilin oktyabrın 21-i saat 17:00-dək qəbul ediləcək. Müsabiqə sənədlərinin (layihələrinin) qəbulu Milli Kino Mərkəzinin rəsmi internet saytında : www. gnfc.ge, saytda həmçinin bir video bələdçi də var https://www.youtube.com/watch?v=Z33mYHxMudQ) yerləşən “Kinematoqrafiya İdarəetmə Sistemi” (Cinamatography Management System – CMS) elektron müraciət proqramı vasitəsilə həyata keçirilir.

Milli Kino Mərkəzi müvafiq komissiyanın tövsiyəsi əsasında maliyyələşdiriləcək layihələrin sayı barədə qərar verəcək. Müsabiqə iştirakçılarının ilkin razılaşma ilə Milli Kino Mərkəzi ilə konsultasiya aparmaları arzuolunandır” – deyə Mədəniyyət Nazirliyindən bildirilib.