Slovakiyanın Xarici İşlər Nazirliyi işğal olunmuş Sxinvali bölgəsində keçirilən qondarma prezident seçkilərini tanımır. Bu barədə sosial şəbəkədə Slovakiyanın Xarici İşlər və Avropa İşləri naziri, Martin Klus yazır.

“Bizim mövqeyimiz aydındır: Slovakiyanın Xarici İşlər Nazirliyi Gürcüstanın separatçı Cənubi Osetiya böılgəsində aprelin 10-da keçirilən qondarma prezident seçkilərini tanımır. Biz beynəlxalq hüquqla tanınan Gürcüstanın ərazi bütövlüyü və suverenliyinə dəstəyimizi bir daha təsdiqləyirik”, – Martin Klus bəyan etdi.

Bu gün işğal olunmuş Sxinvali bölgəsində qondarma prezident seçkiləri keçirilir. Gürcüstanın işğal olunmuş bölgəsində marionet rejiminin rəhbərliyi üçün beş namizəd mübarizə aparır: indiki de-fakto lider Anatoli Bibilov, “Naxas” partiyasının lideri Dimitri Tasoyev, qondarma deputat Qari Muldarov və qondarma Parlamentin vitse-spikeri Aleksandre Pliyev.