Martın 15-də Gürcüstan Müdafiə Qüvvələri Artilleriya Gününü qeyd edir.

Müdafiə Nazirliyinin yaydığı məlumat üzrə, yubiley tarixi ilə əlaqədar Vazianidə, 5-ci artilleriya briqadasının parad meydançasında təntənəli mərasim keçirilib. Verilmiş məlumatda, 6-cı artilleriya briqadasının bazasında, Xonidə də Artilleriya Gününün qeyd olunduğu deyilir. Gürcüstan Müdafiə Qüvvələrinin rəhbər şəxsləri şəxsi heyəti yubiley münasibətilə təbrik ediblər.

“Müdafiə Nazirliyi sistemində qüsursuz xidmətlərinə görə hərbi qulluqçular müxtəlif dərəcəli medallarla təltif ediliblər. Tədbir başlamazdan əvvəl müdafiə qüvvələrinin nümayəndələri Gürcüstanın ərazi bütövlüyü uğrunda döyüşlərdə həlak olan qəhrəmanları anaraq onların xatirəsini ehtiramla yad ediblər. 5-ci artilleriya briqadası məktəbliləri də qəbul edib. Tbilisinin 35 və 2 saylı ictimai məktəblərinin şagirdləri hərbi bazada olublar, nümayiş etdirilən hərbi texnikaya baxış keçirib, əyləncəli tədbirlərdə də iştirak ediblər”- Müdafiə Nazirliyinin məlumatında qeyd olunub.