“Fərdi məlumatların mühafizəsi haqqında” qanuna edilən dəyişikliklərin bir hissəsi martın 1-dən qüvvəyə minəcək. Parlamentin 2023-cü ilin martında qəbul etdiyi yeni qanun tədricən qüvvəyə minəcək.

Martın 1-dən etibarən aqressiv sms marketinq kampaniyası məhdudlaşdırılacaq. Yeni qanunla reklam bildirişləri üçün fərdi məlumatların işlənməsinə və reklam bildirişlərinin göndərilməsinə yalnız məlumatın göndərildiyi şəxsin razılığı ilə icazə verilir. Məlumatı işlənilən şəxs istənilən halda verdiyi razılığı geri götürə bilər.
Tələbin qəbul edilməsindən sonra yeddi iş günü ərzində məlumatın üzərində işləyən şəxs, şəxsin məlumatlarının işlənməsini dayandırmaq məcburiyyətində olacaq.

Digər istiqamətlərdə də öhdəliklər artıq iyunun 1-dən qüvvəyə minəcək. İstənilən dövlət qurumu, eləcə də özəl şirkətlərin bir hissəsi şəxsi məlumatların mühafizəsi üzrə məsul işçiyə malik olmaq öhdəliyi daşıyacaq.

Qanun pozuntularına görə sanksiyalar da nəzərdə tutulub. Sanksiyanın həcmi Fərdi Məlumatların Mühafizəsi Xidməti tərəfindən müəyyən edilir. Cərimənin yuxarı həddi 20.000 laridir.