Avropa Şurasının baş katibi Mariya Peyçinoviç Buriç “Twitter”də Rusiya işğalçı qüvvələrinin Kirbalada açdığı atəş nəticəsində Gürcüstan vətəndaşının qətlə yetirilməsi faktına münasibət bildirib.

“Gürcüstanın Sxinvali/Cənubi Osetiya bölgəsində, işğal xəttinə yaxın ərazidə rus zabitlər tərəfindən Gürcüstan vətəndaşının öldürülməsindən dolayı məyusam, mərhumun ailəsinə və Gürcüstan hökumətinə başsağlığı verirəm. Həmçinin, qarşı tərəfi qaçırılmış vətəndaşı azad etməyə çağırırıq” – bəyanatda deyilir.

Rusiya işğalçı qüvvələri işğal altındakı Kirbala yaxınlığında Gürcüstan vətəndaşı Tamaz Qinturini öldürüb, bir vətəndaşı isə qanunsuz olaraq saxlayıblar. Gürcüstanın mərkəzi hakimiyyətinin tələbi ilə Erqnetidə görüş keçirilib.