Növbəti aylarda biz seçkilərə hazırlaşmağa başlayacağıq, əminəm ki, “Gürcü arzusu”nun ailəsində konstitusiya çoxluğu əldə etmək üçün mübarizə aparmayan insan qalmayacaq,- Bu barədə parlament çoxluğunun lideri Mamuka Mdinaradze Sameqrelo-Zemo Svaneti bölgəsinin partiya fəalları ilə görüşün keçirildiyi Zuqdididə jurnalistlərə müsahibəsində bildirib.

Mdinaradzenin sözlərinə görə, partiya aktivi ilə çox yaxşı görüş keçirilib.

“Mən Zuqdididən Meqreliləri və Svanları salamlayıram. Onlarla çox danışdıq, həmişə olduğu kimi çox yaxşı çox isti görüş oldu. Biz növbəti aylarda seçkilərə hazırlaşmağa başlayacağıq. Əminəm ki, bizim aktivimizdə, “Gürcü arzusu” ailəsində konstitusiya çoxluğu əldə etmək uğrunda mübarizə aparmayacaq insanlar qalmayacaq. Bugünkü görüşdə də bu əzmkarlıq açıq-aydın görünürdü və bu yerdə “Gürcü arzusu”nun bu böyük ailəsinin hər bir nümayəndəsinə, xüsusən də meqrelilərə və svanlara dərin təşəkkürümü bildirirəm.Bizim partiyamızın nümayəndələri həm dövlət qulluqçuları, həm də özəl sektorda çalışan insanlardır.Ola bilər ki, bəziləri işlə təmin olunmayıb, amma bunun heç bir əhəmiyyəti yoxdur. Bizim aktivimiz dövlət qulluqçularından, işləməyənlərdən, həmçinin özəl sektorda işləyənlərdən ibarətdir, bizim müxtəlif aktivlərimiz var və məncə, bu, gizli hekayə deyil”, – deyə Mamuka Mdinaradze bildirib.