“Xalqın Gücü” xarici təsirlər haqqında bu gün keçirilən əksəriyyətinin iclasında da xeyli danışıb. “Gürcü Arzusu” adından deyə bilərəm ki, biz prinsiplər səviyyəsində razılaşdıq və “Xalqın Gücü”nün təqdim etdiyi qanun layihəsini dəstəkləyəcəyik-bu barədə “Gürcü Arzusu” fraksiyasının sədri Mamuka Mdinaradze bildirib.

O, qanun layihəsinin detalları ilə bağlı müzakirələrin davam etdiriləcəyini bildirib.

Bununla yanaşı, Mamuka Mdinaradze “Xalqın Gücü”nün qanun layihəsinin nə rus, nə də Amerika qanunlarına bənzədiyini qeyd edir.

“Prinsiplərdən danışırıqsa, müxtəlif ölkələrlə bağlı min cür spekulyasiyalar olduğunu unutmamalıyıq. Əgər kimsə, kim olmasından asılı olmayaraq, bunun rus qanunvericiliyinin analoqu olduğunu deyirsə, sadəcə olaraq yalan danışır. Bu, heç Amerika qanunlarının da analoqu deyil, çünki hər iki halda çoxlu məhdudiyyətlər var. Əgər kimsə “Xalqın Gücü”nün təqdim etdiyi layihəyə bu məhdudiyyətlərin analoqunu gətirəcəyini vəd edirsə, bunu edə bilməyəcək, çünki “Xalqın Gücü”nün qanun layihəsində heç bir məhdudiyyət yazılmayıb. Rusiyada, ABŞ-da fərqli məhdudiyyətlər var. Hər iki halda ümumi olan o ola bilər ki, öhdəliklərin yerinə yetirilməməsinə görə cinayət məsuliyyəti var və s. Gürcü qanun layihəsində yalnız on gün ərzində qeydiyyatdan keçmək öhdəliyi nəzərdə tutulur. Fiziki şəxsin deyil, hər hansı bir təşkilatın xaricdən maliyyələşməsi 20 faizi keçərsə, belə bir təşkilatın reyestrdə qeydiyyatdan keçməsi üçün 10 gün vaxtı var. Sonra bir il ərzində bəyannamə təqdim etməlidir. Bu başqa heç nəyi nəzərə almır. Bu prinsipdən niyə imtina edilə biləcəyinə dair arqument çəkmək imkansızdır” -deyə Mdinaradze açıqlayıb.