Bütün dəyişikliklər hər zaman ölkəyə daha çox xeyir gətirəcək ümid, inam və real arqumentlərlə edilir. Partiyaya gəlincə, mən bir daha İrakli Ğaribaşviliyə baş nazirliyi dövründə gördüyü işlərə görə təşəkkür edirəm-bu haqda “Gürcü Arzusu” fraksiyasının sədri Mamuka Mdinaradze açıqlayıb.

Mamuka Mdinaradze bildirib ki, hakim komanda İrakli Ğaribaşvilinin partiyadakı fəaliyyətinin də eyni dərəcədə uğurlu olacağına əmindir.

“Dəyişikliklər barədə baş nazirin namizədliyi rəsmən açıqlanandan sonra danışaq. Bütün dəyişikliklər hər zaman ölkəyə daha çox xeyir gətirəcək ümid, inam və real arqumentlərlə edilir, bu halda gələcək baş nazirlə bağlıdır, hələlik adı və soyadı olmadan. Partiyaya gəlincə, mən bir daha İrakli Ğaribaşviliyə baş nazirliyi dövründə gördüyü işlərə görə təşəkkür edirəm. Xüsusilə də son üç ilə, nələrdən keçmək məcburiyyətində qaldığına, bu ölkənin onun rəhbərliyi altında hansı uğurlara imza atdığına görə minnətdarıq. Bu uğurların siyahısı genişdir və namizəd statusu onun müsbət finallarından biri ola bilər və bütün bunlara uyğun olaraq onun partiyadakı fəaliyyətinin də eyni dərəcədə uğurlu olacağına əminik. Biz hamımız birlikdə, vahid komanda ilə, vahid ruhla, əzmlə, mehribanlıqla, komanda olaraq seçkilərə gedəcəyik, bir daha inamlı qələbə qazanacağıq. Biz konstitusiya çoxluğunu gözləyirik və bunu təsadüfən demirik, bütün göstəricilər bundan xəbər verir və bu haqda danışmaq, sonra qeyd-şərtsiz milli maraqlarımızı izləyərək fəaliyyətimizi davam etdirmək və bu ölkəni daha da uğurlu etmək üçün buna mənəvi haqqımız çatır”-deyə Mamuka Mdinaradze açıqlayıb.