Bidzina İvanişvilinin siyasətə qayıdışı münasibətilə ilk növbədə, ən çox sevinən “Gürcü arzusu”nun bütün üzvlərini və onların bütün tərəfdaşlarını təbrik etmək istəyirəm, – “Gürcü arzusu” fraksiyasının sədri Mamuka Mdinaradze bildirib

Onun sözlərinə görə, Bidzina İvanişvili “Gürcü arzusu” komandasını xeyli gücləndirəcək.

“Gürcüstan siyasətində onun amilinin nə qədər böyük olduğunu hamı yaxşı başa düşür. Komanda üçün bu, irəliyə doğru böyük bir addım və əla xəbərdir. Bidzina İvanişvilinin özü hədəflərdən danışıb. O, riskləri nəzərə alaraq, faktiki müxalifət olmayanda ölkədə bunun nə ilə nəticələndiyinə diqqət çəkib. Həm komandanın, həm də insanların çoxlu çətinlikləri var ki, bunlar tam koordinasiya, mütləq risk sığortası və ağıllı hesablamalar tələb edir, burada Bidzina İvanişvilinin məsləhətləri və onunla ediləcək konsultasiyalar çox mühim rol oynayacaq, bunu rəqiblərimiz bizdən yaxşı bilir”. Mdinaradze bildirib.