Bəzi əcnəbi həmkarlarımız Gürcüstan siyasətinə həddindən artıq müdaxilə edir və həddən artıq subyektivdirlər. Görünür, onların konkret maraqları var, – “Gürcü Arzusu” fraksiyasının sədri Mamuka Mdinaradze avropalı deputat Viola fon Kramonla bağlı verilən sualı cavablandırarkən deyib.

Məhz Mdinaradzeyə Kaxa Kaladzenin Viola fon Kramonun paytaxtda “Molotov kokteyli” ilə görünəcəyini istisna etmədiyinə dair bəyanatını necə dəyərləndirəcəyi haqqında sual ilə müraciət etdilər.

“Kaxa Kaladzenin alleqoriyası ictimaiyyətə, ilk baxışda Gürcüstanla heç bir əlaqəsi olmayan, lakin Gürcüstan siyasətinə o qədər qarışan insanların nə işlə məşğul olduğunu aydın görməyə xidmət edir. Onlar həqiqətən özlərini majoritar hesab edə bilərlər. 2024-cü ildə parlament seçkiləri proporsionaldır və ola bilsin, proporsional siyahıda görə bilərik. Ona qədərsə Gürcüstan vətəndaşlığını almağa və buraya qeydiyyat olunmağa çalışacaq. Ola bilər ki, “Milli Hərəkatın” proporsional siyahısına, klasterlərindən birinə daxil olsun, ya da əslində çıxıb polislərə “Molotov kokteyli” atsın və radikal müxalifət Viola fon Kramonun müdafiəsinə çıxsın. Bütün bunlar zarafatdır, amma bəzi əcnəbi həmkarlarımız Gürcüstan siyasətinə həddindən artıq müdaxilə edirlər və həddən artıq subyektivdirlər. Görünür, onların xüsusi maraqları var və bu, onların ümumi planına yaxşı uyğun gəlir. Bu, xaosa qarışmaq, hakimiyyəti dəyişmək, ikinci cəbhə açmaq deməkdir”, – deyə Mamuka Mdinaradze bildirib.