Dinc nümayişlər davam etməlidir. Biz heç kimin uşaqları dağıtmasına imkan verməyəcəyik. Alternativ mərkəz, alternativ parlament, alternativ məşvərət şurası müxalifətdən seçilən insanlar tərəfindən yaradılmalıdır. – Bu barədə “Güclü Gürcüstan”ın liderlərindən olan Mamuka Xazaradze açıqlama verib.

Onun sözlərinə görə, gürcü xalqı adından müəyyən məsələlərin həll olunduğu yerlərə gedəcək dörd koalisiya üzvündən ibarət qrup yaradılmalıdır.

“Bütün bunların rəhbəri prezident olmalıdır. Bu görüş prezidentlə olmalıdır. Dörd koalisiyadan xüsusi qrup yaradılmalıdır, bütün koalisiyalarda yüksək ixtisaslı keçmiş diplomatlar və səfirlər var. Onlardan bir qrup toplanıb dərhal məsələlərin həll olunduğu bütün paytaxtlara göndərilməlidir. Amma onlar fərd olaraq yox, gürcü xalqının, qalib xalqın adına getməlidirlər”. – Xazaradze dedi.