Birinci instansiya və bu gün artıq apellyasiya məhkəməsi təsdiqləyib, hüquqi cəfəngiyyatdır-bu barədə “Lelo”nun lideri Mamuka Xazaradze apellyasiya məhkəməsinin qərarını şərh edərkən açıqlayıb.

“Hüquqi cəfəngiyyat davam edir. Bu, misli görünməmiş bir şeydir. Birinci instansiya və bu gün artıq apellyasiya məhkəməsinin təsdiqlədiyi hüquqi cəfəngiyyatdır. Müzakirə aparılmayan məsələyə görə bizi ittiham edirlər. Prokurorluq bu məsələ ilə bağlı iddiaları olmadığını 4 il əvvəl yazılı şəkildə təsdiqləyib. Hətta bu məsələ ilə bağlı hər hansı iddiaları olsa belə, bizi ittiham etmədiklərini, bizimlə bu məsələ ilə bağlı müzakirə aparmadıqlarını və ya mübahisə etmədiklərini yazılı şəkildə təsdiqləyibər. Onların bizi ittiham etdikləri tamamilə cəfəngiyyatdır. Bizi prokurorluq yox, hakim ittiham edirdi, istənilən hüquqşünasdan, birinci kurs tələbəsindən soruşun. Heç bir yerdə, nə konstitusiyada, nə də heç bir qanunda prokurorluğun deyil də hakimin ittiham irəli sürməsinə dair bir şey yazılmayıb . Bidzina İvanişvilinin qulağı kəsilmiş qulları bu gün tutuquşu kimi bunu təkrarladılar. Fikrimcə, niyə təkrarladıqları aydındır. Açıqlayıram ki, nə birinci, nə də ikinci instansiyada bir söz belə deməyiblər, çirkli pulların yuyulması olmayıb və biz haqlıyıq. Mənim indi sizin qarşınızda dayanmağım və bu məhkəmənin dörd ildir davam etməsi, həbsdə olmamağım o deməkdir ki, çirkli pulların yuyulması ilə bağlı absurd iş mövcud deyil”- deyə Mamuka Xazaradze açıqlayıb.

O, bu mövzu və bu işlə bağlı onlara qarşı başqa ittihamlar olmadığını bildirib.

“Bizi ittiham etdikləri yeganə şey çirkli pulların yuyulması idi ki, bu da olmayıb. Bu, nə birinci, nə də ikinci instansiyada təsdiqini tapmadı. İndi uydurduqları, şəhər və apellyasiya məhkəmələrində təsdiqlədikləri hüquqi cəfəngiyyatdır, insan hüquqlarının kobud şəkildə pozulmasıdır” -deyə Mamuka Xazaradze qeyd edib.

Apellyasiya məhkəməsi şəhər məhkəməsinin Mamuka Xazaradze, Badri Caparidze və Avtandil Tsereteliyə qarşı çıxardığı hökmü qüvvədə saxlayıb.