Maliyyə və Büdcə Komitəsi Gürcüstan parlamentinin deputatlarının maaşlarının artırılması təşəbbüsünü dəstəkləyib.

Təşəbbüsün müəllifi parlamentin sədri Şalva Papuaşvilidir. Papuaşvilinin komitə iclasında dediyi kimi, parlament üzvlərinin maaşlarına düzəlişlər 2013-cü ildən sonra baş verməyib. Təşəbbüsü irəli sürülmüş dəyişikliyə əsasən, növbəti çağırış parlamentində deputatın maaşı 8-10 min lari çərçivəsində olacaq.

Gürcüstan parlamentinin sədri Şalva Papuaşvili noyabrın 1-də reqlamentə növbəti çağırış parlamentin deputatlarının maaşlarının artırılmasını nəzərdə tutan dəyişiklik layihəsinin təşəbbüskarı olub. Dəyişikliklər növbəti çağırış parlamentinin deputatları üçün 2025-ci ilin yanvarın 1-dən qüvvəyə minəcək.

Belə ki, parlament üzvünə aşağıdakı məbləğdə maaş veriləcək: parlament sədrinə – 10 000 lari; Parlament sədrinin birinci müavini – 9500 lari; Parlament sədrinin müavini – 9250 lari; Komitə sədri, fraksiya sədri – 9000 lari; Komitə sədrinin birinci müavini, fraksiya sədrinin birinci müavini – 8750 lari; komitə sədrinin müavininə, fraksiya sədrinin müavininə – 8500 lari; Parlamentin məmuru olmayan deputata – 8250 lari.