Avropaya İnteqrasiya Komitəsinin sədri Maka Boçorişvili və komitə sədrinin birinci müavini Levan Karumidze Brüsselə işgüzar səfəri çərçivəsində Avropa Komissiyasının Qonşuluq və Genişlənmə üzrə Baş Direktorluğunun baş direktoru Qert Yan Kopman ilə görüşüblər.

Görüş zamanı tərəflər Gürcüstan-Avropa İttifaqı münasibətlərinin dinamikası, ölkənin Avropa perspektivi və Gürcüstanın Avropa İttifaqına daxil olması ilə bağlı gözləntilər barədə danışıblar.

Gürcüstan parlamentinin üzvləri Avropa Komissiyasının nümayəndəsinə Gürcüstanın Avropa Komissiyasının 12 tövsiyəsinin icrası və islahatların həyata keçirilməsində əldə etdiyi tərəqqi barədə ətraflı məlumat veriblər. Söhbət zamanı Avropa İttifaqının genişlənmə siyasətinə, regionda təhlükəsizlik çağırışlarına, Avropa Komissiyasının genişlənməyə dair hesabatının hazırlanması prosesinə, Gürcüstanın irəliləyişinə dair qiymətləndirmələrə toxunulub.

Bu barədə məlumatı Gürcüstan parlamentinin mətbuat xidməti yayıb.