Maka Boçorişvili – Avropa Parlamentınin qətnaməsində çox qeyri-adi qeydlər var ki, bu sənədi ciddi şəkildə qiymətləndirməyi mümkünsüz edir; onlar cəmiyyəti bölmək üçün bütün mümkün mexanizmlərdən istifadə edirlər

Maka Boçorişvili Avropa Parlamentı tərəfindən Gürcüstan ilə bağlı qəbul edilən qətnaməni şərh edib.

Onun sözlərinə görə, qətnamədə çox qeyri-adi məqamlar var və buna görə sənədi ciddi şəkildə qiymətləndirmək mümkün deyil.

“Ümumilikdə bu qətnamə və ya hesabatda çox qeyri-adi qeydlər var ki, sənədi ciddi şəkildə qiymətləndirməyi, hər hansı ciddi mövqe bildirməyi mümkünsüz edir. Bildiyiniz kimi, hesabatın məruzəçisi kimdir. Bu, cəmiyyətimizin bölünməsi üçün edilən yeganə cəhd deyil, belə halları çox görmüşük. Bir tərəfdən bizə polarisasiya barədə danışırlar, digər tərəfdən isə bütün mümkün mexanizmlərdən istifadə edərək cəmiyyətimizin daha da bölünməsinə və qarşıdurmaya sürüklənməsinə çalışırlar. Həqiqətən təəssüf doğurur ki, bu, məhz Avropa Parlamentinin və Avropa İttifaqı institutlarının əli ilə baş verir”, – deyə o bildirib.

Boçorişvili əlavə edib ki, Avropa Parlamenti ölkəyə təzyiq vasitəsi kimi istifadə olunur və bu, Gürcüstan haqqında yanlış narrativlərin gücləndirilməsinə xidmət edir.

“Çox təəssüf doğuran bir məqam var ki, Avropa İttifaqının bir institutu – bu halda Avropa Parlamenti – belə bir vasitəyə çevrilir və cəmiyyətimizə təzyiq göstərməyə çalışır, Gürcüstan haqqında tamamilə yanlış narrativləri gücləndirir. Bu qətnamədə çoxlu yalan və yanlış məlumatlar var, bir çox müddəalar manipulyativ xarakter daşıyır. Bu isə Gürcüstanın nüfuzuna zərər vurmağa xidmət edir. Siz Xarici İşlər Nazirliyinin bu sənədə münasibətini görmüsünüz və biz bunu Gürcü dövlətinə və cəmiyyətinə qarşı hücum kimi qiymətləndiririk. Bu, Avropa İttifaqının bir institutunun vasitəsilə baş verdiyi üçün həqiqətən qəbuledilməzdir”, – deyə Maka Boçorişvili qeyd edib.

Məlumat üçün bildirək ki, 17 iyunda qəbul edilən qətnamədə belə deyilir: “Avropa Komissiyasıya çağırırıq ki, vətəndaş cəmiyyəti fəalları, jurnalistlər və tələbələr üçün Avropa İttifaqına vizasız girişin saxlanılması üçün mexanizm yaradılsın.”