Bu gün bu zalda ötən il yarım ərzində Gürcüstanın Avropa İttifaqına inteqrasiyasını qətiyyətlə və yüksək səslə dəstəkləyən çoxlu dəyərli həmkarlarım var. Dəstəyinizlə Avropa İttifaqının qərarına verdiyiniz töhfəyə görə sizə təşəkkür etmək istəyirəm-bu barədə parlamentin Avropaya inteqrasiya komitəsinin sədri Maka Bochorişvili Aİ-yi üzvü parlamentlərin Avrointeqrasiya komitələri sədrlərinin görüşündə danışıb.

Bochorişvili bildirib ki, şübhəsiz ki, bu tarixi qərar gürcü xalqının çoxəsrlik arzusunun həyata keçməsi üçün möhkəm zəmin yaratdı.

“Olduqca mürəkkəb çağırışlar və intensiv dezinformasiya kampaniyalarının öhdəsindən gəlinməsi fonunda, bu tarixi məqama çatmaq asan olmayıb. Tarixi yenidən yazmağa çalışmaq əvəzinə, Gürcüstan tarixinin yeni, Avropa səhifəsini yazmağa başlamamıza kömək edən hər kəsə təşəkkürümü bildirirəm. Biz sadəlövh deyilik və son məqsədə çatmaq və Avropa ailəsinin ayrılmaz hissəsi olmaq üçün nə qədər çətin yol keçməli olduğumuzu yaxşı bilirik. Hərçənd, bu gün biz daha böyük ümid və güclə irəli gedə bilərik, çünki ümumi məqsədə çatmaq üçün vahid səylə addımlayacağıq. Ümumi məqsəd daha böyük, daha güclü və daha yaxşı Avropadır. Ümid edirəm ki, Belçikanın Avropa İttifaqına sədrliyi bu prosesə öz töhfəsini verəcək və Gürcüstan Avropa İttifaqına daha da yaxınlaşa biləcək”- deyə Bochorişvili açıqlayıb.