Parlamentin Avropaya İnteqrasiya Komitəsinin sədri Maka Bochorişvili Avropa Parlamentinin Gürcüstan üzrə məruzəçisi Sven Mikserin fevralın 2-3-də Gürcüstana səfərini yekunlaşdırıb.

Onun sözlərinə görə, Sven Mikser Gürcüstan prezidenti və icraçı hakimiyyətin nümayəndələri ilə görüşüb, onlardan şəxsən Gürcüstan tərəfindən Assosiasiya Sazişinin icrasının gedişatı barədə məlumat alıb, bunun əsasında da Avropa Parlamentinin hesabatını hazırlayacaq.

Onun sözlərinə görə, Gürcüstan və Avropa Parlamenti arasında əməkdaşlıq tarixində ilk dəfə olaraq Avropa Parlamentinin üzvü Gürcüstan parlamentinin komitəsinin iclasında iştirak edib.

” Bizim dəvətimizlə Sven Mikser Gürcüstan parlamentinin Avropaya İnteqrasiya və Xarici İşlər Komitələrinin birgə iclasında deputatlar qarşısında çıxış etdi , bizim onunla mövqelərimizi bölüşmək və suallarımıza cavablarını eşitmək üçün unikal imkanımız oldu. Həmçinin, parlament müxalifətinin nümayəndələri və Gürcüstan parlamentinin sədri ilə görüş keçirildi. Ən əsası isə Sven Mikser işğal xəttinə baş çəkərək, Gürcüstan ərazilərinin Rusiya tərəfindən işğalının ağır nəticələri ilə şəxsən tanış oldu. Bütün bunlar regionda gedən prosesləri nəzərə alarsaq Gürcüstan üçün mühüm mesajdır” – deyə Maka Bochorişvili bildirib.

Avropaya İnteqrasiya Komitəsinin sədrinin sözlərinə görə, Avropa Parlamentinin Gürcüstan üzrə məruzəçisi Gürcüstanın ərazi bütövlüyü və suverenliyinə, eləcə də bizim Avropa seçimimizə qəti dəstək mesajını bir daha bəyan edib.

” Avropalı tərəfdaşlarımızla Avropa İttifaqına inteqrasiya ilə bağlı söhbətin olduqca ağır bir dövrdə aparılmasına baxmayaraq, onların hər birinin səmimi dəstəyi Gürcüstanın Avropa gələcəyi üçün böyük əhəmiyyət kəsb edir. Xüsusilə də həmkarlarımızın bir hissəsinin Avropa Parlamentinin üzvlərinə natamam və qərəzli məlumat vermək üçün böyük səy göstərdiyi bir şəraitdə, bu yalnız ölkənin imicini ləkələmək məqsədi daşıyır və dar partiya maraqlarına xidmət edir”-deyə Maka Bochorişvili bildirib.