Avropaya İnteqrasiya Komitəsinin sədri Maka Bochorişvili Brüsseldə işgüzar səfəri çərçivəsində Avropa Komissiyasının Qonşuluq və Genişlənmə üzrə Baş Direktorluğunun baş direktoru Qert İan Kopmanla görüşüb.

Görüşdə Maka Bochorişvili Gürcüstanın Avropaya inteqrasiya prosesində göstərdiyi səyləri qiymətləndirdiyinə və Gürcüstana Aİ-yə namizəd ölkə statusunun verilməsi ilə bağlı müsbət tövsiyə verdiyinə görə Avropa Komissiyasına təşəkkür edib.

Görüşdə Gürcüstanın Avropa İttifaqına inteqrasiyasının növbəti mərhələləri və Avropa İttifaqı Şurasının dekabr qərarı ilə bağlı gözləntilərə toxunulub.

Tərəflər əməkdaşlığın dərinləşdirilməsi perspektivlərini və Avropa Komissiyasının tövsiyələrinin həyata keçirilməsinin gələcək prosesini müzakirə edib, həmçinin gələcəkdə bu istiqamətdə sıx əməkdaşlığa hazır olduqlarını bildiriblər.

Məlumatı Gürcüstan parlamentinin mətbuat xidməti yayır.