Luiziana, ictimai məktəblər və universitetlərin katedralarında 10 əmrin yerləşdirilməsi məcburi olan ABŞ-ın birinci ştatı oldu.

Respublikaçılar partiyasının üzvləri tərəfindən dəstəklənən bu tədbiri qubernator Ceff Landri imzalayıb.

“BBC”nin məlumatına əsasən, kilsə ilə dövlətin ayrılmasının ölkə konstitusiyasının ilk düzəlişi ilə nəzərdə tutulduğunu və sözügedən tədbirin bu prinsipə zidd olduğunu deyən vətəndaş hüquqları üzərində işləyən qrupların qanuna etiraz edəcəyi gözlənilir.

İmzalanmış qanuna əsasən, təhsil müəssisələrinə vurulacaq vərəqdə “böyük ölçülü, asan oxunan şrift”lə yazılmış müqəddəs mətn olmalıdır.

1980-ci ildə ABŞ-ın Ali Məhkəməsi ictimai məktəblərdə sinif otaqlarına 10 əmrin vurulmasını məcburi edən oxşar qanunu ləğv edib.