Litva hökuməti hesab edir ki, Avropa İttifaqı təhlükəsizlik sahəsində qərarları daha tez qəbul etməlidir

Litva hökuməti hesab edir ki, Avropa İttifaqı təhlükəsizlik sahəsində qərarları daha sürətlə qəbul etməlidir.

Litvanın xarici işlər naziri Kestutis Budrisin bildirdiyinə görə, Avropa İttifaqı qərarları çox yavaş qəbul edir və mövcud prosedurları sürətləndirməlidir.

“Mövcud prosedurları necə sürətləndirmək və hansı sahələrdə əməkdaşlığı dərinləşdirmək barədə düşünməliyik ki, başqaları irəliləməyə çalışarkən heç kimə prosesi əngəlləmək imkanı verilməsin. Bu, asan olmayacaq”, – Budris bildirib.

Onun sözlərinə görə, Təhlükəsizlik Şurasının təsdiqlənməsi üzv ölkələrin müqavimətinə səbəb ola bilər, çünki bunun üçün bütün ölkələrin razılığına ehtiyac var.

Litvanın müdafiə naziri Robertas Kaunas isə bildirir ki, şura ilə bağlı müzakirələrdə əsas diqqət təhlükəsizliyin effektiv şəkildə təmin edilməsinə və bürokratik prosedurların azaldılmasına yönəldilməlidir.

Məlumat üçün bildirək ki, bundan əvvəl Avropa Komissiyasının prezidenti Ursula fon der Layen Ukraynanın iştirakı ilə Təhlükəsizlik Şurasının yaradılmasını elan etdi.