İyunun 11-də Lixtenşteynin xarici işlər, təhsil və idman naziri Dominik Hasler Gürcüstana ikigünlük səfər edəcək.

Lixtenşteynli həmkarını xarici işlər naziri İlia Darçiaşvili qəbul edəcək. Görüş həm üz-üzə, həm də geniş tərkibdə keçiriləcək, bundan sonra iki ölkənin xarici işlər nazirləri mətbuata birgə bəyanatlarla çıxış edəcəklər.

Səfər çərçivəsində Gürcüstanın Baş naziri İrakli Ğaribaşvili Lixtenşteynin Xarici İşlər Nazirliyinin rəhbəri ilə görüş keçirəcək.

Dominik Hasleri Gürcüstan Prezidenti Salome Zurabişvili qəbul edəcək.

Həmçinin Lixtenşteynin xarici işlər, təhsil və idman nazirinin Gürcüstan parlamentinin sədri Şalva Papuaşvili ilə görüşü nəzərdə tutulub.

Səfər çərçivəsində Lixtenşteynin Xarici İşlər Nazirliyinin rəhbəri Gürcüstanın birliyi uğrunda döyüşlərdə həlak olan qəhrəmanların xatirəsini ehtiramla yad edəcək və abidəni əklillə bəzəyəcək.

Gürcüstanda səfərdə olan Lixtenşteyn diplomatı işğal xəttinə yaxın yerləşən Odzisi kəndinə baş çəkəcək, vəziyyətlə yerindəcə tanış olacaq.

Məlumatı Gürcüstan Xarici İşlər Nazirliyi yayıb.