Qiorqi Vaşadze “Qələbə platforması”nın seçki kampaniyasına rəhbərlik edəcək. Bu barədə “Vahid Milli Hərəkat”ın mərkəzi ofisində keçirilən brifinqdə “Milli Hərəkat”ın sədri Levan Xabeişvili açıqlayıb.

“2018-ci ilin təcrübəsi Qiorqi Vaşadzenin fantastik təşkilatçı olduğunu və kampaniyaları idarə edə bildiyini göstərdi. Bu səbəbdən biz qərar verdik və koalisiya kampaniyamızın Qiorqi Vaşadze timsalında lideri olacaq” – Xabeişvili qeyd edib.

O, güclü koalisiyanın yaradılması üzərində işə başlanıldığını bildirib.

“Quruculuq Strategiyası”nın lideri Qiorqi Vaşadze isə bildirib ki, platforma koalisiyanın tərkibini daha da genişləndirmək üçün intensiv görüşlərə başlayacaq. Vaşadze digər müxalifətçilərin də onların birliyinə qoşulacaqlarına ümid bəsləyir.