“Milli Hərəkat”, “Qələbə Koalisiyası” qalib gəldikdən dərhal sonra Qərbi Gürcüstanda ən böyük hava limanını Ozurqetidə tikəcək, bu qovşaq olacaq və on minlərlə yüksək maaşlı iş yeri yaradacaq-bu haqda “Milli Hərəkat”ın sədri Levan Xabeişvili Ozurqetidə açıqlayıb.

O bildirib ki, Gürcüstan vətəndaşları bundan sonra ölkədən qaçmaq məcburiyyətində qalmayacaqlar, Gürcüstanda layiqli maaş və layiqli işlə təmin oluna biləcəklər.

“Ozurqetidə əhalinin 30 faizi, 25 min insan son 5 ildə faktiki olaraq ölkədən qaçıb, Ozurqetidə əhalinin 50 faizinin suyu yoxdur, 53 faizi sosial cəhətdən həssasdır, 70 faizinin kanalizasiyası yoxdur və təkcə 5 il ərzində Ozurqetini tərk etmiş 25 min insan haqqında danışmaq faciəvidir. Bütün bunlar ona görə baş verir ki, Bidzina İvanişvili Gürcüstanın, vətəndaşlarımızın layiqli gəlir və layiqli işlə təmin olunması imkanını oğurlayır. İndi biz meriyadayıq, burada “Milli Hərəkat” “Qələbə Koalisiyası” Qərbi Gürcüstanda logistika mərkəzi, əsl qovşaq olacaq ən böyük hava limanını tikəcək və on minlərlə yüksək maaşlı iş yerləri yaradacaq. Vətəndaşlarımız ölkədən qaçmaq yerinə, Gürcüstanda layiqli maaş və layiqli iş tapa biləcəklər. Burada Rusiyanı sanksiyalar altında tərk etmiş şirkətlər təqdim olunur. Əhalimiz başa düşməlidir ki, 5000 şirkət Rusiyanı tərk edib, 266 milyard kapital, 4-6 milyon iş yeri var və heç bir iş yeri, heç bir şirkət, heç bir milyon Gürcüstana gəlməyib, bu əldən verilmiş fürsətdir, Bidzina İvanişvilinin oğurladığı fürsətdir. Bu o deməkdir ki, İvanişvili əhalini layiqli gəlir və layiqli işlə təmin etmək imkanından məhrum edir. Bu səbəbdən, söz veririk ki, indi mənim olduğum yerdə ən böyük hava limanı tikiləcək, logistika mərkəzi yaradılacaq və vətəndaşlarımız layiqli gəlir əldə edəcəklər”- Levan Xabeişvili açıqlayıb.