Suxumi Avropanın ən inkişaf edən şəhəri olacaq və bunu hamımız birlikdə edəcəyik -bu barədə “Milli Hərəkat”ın sədri Levan Xabeişvili “Qələbə Platforması” çərçivəsində Anakliyada tərəfdarları ilə görüşdə bildirib.

Xabeişvili Mixeil Saakaşvilinin ideyasından – Lazika şəhərinin əsasının qoyulmasından danışıb.

“Prezident Saakaşvilinin ideyasını hər kəs yaxşı bilir, çox böyük ideyadır, bu ideyanın adı var, Lazikadır. Keçmişdən danışmayacağıq. Gələcəkdə burada, Lazikada nə edəcəyimizi deyəcəyik. Lazika Gürcüstanın paytaxtdan sonra ən böyük ikinci şəhər olacaq; Lazika 30 milyard iqtisadiyyatı olan bir şəhər olacaq; Lazika on minlərlə iş yerinin yaradılacağı bir şəhər olacaq; Lazika elə bir şəhər olacaq ki, Sameqreloda heç bir ailənin, vurğulayıram, yüksək maaşlı işsiz qalmaması, var-dövlətin yaranması və xalqımızın ləyaqətlə yaşamasını təmin edəcək”-deyə Levan Xabeişvili açıqlayıb.

O, Mixeil Saakaşvilinin Suxumidə ən böyük hava limanının baş memarı olması üçün hər şeyi edəcəyini bildirib.

“Sizə demək istədiyim əsas vəd ondan ibarətdir ki, Mixeil Saakaşvilinin Suxumidə ən böyük hava limanının baş memarı olması üçün dostlarım və mübarizə yoldaşlarımla hər şeyi edəcəyəm. Suxumi Avropanın ən inkişaf edən şəhəri olacaq və biz bunu hamımız birlikdə edəcəyik. Mən bir daha sizin vasitənizlə prezident Saakaşviliyə səsimizi eşitdirmək şərəfinə nail oldum-Mişaya azadlıq” – deyə Levan Xabeişvili açıqlayıb.