“Vivamed” klinikasındakı bütün məhkum və təqsirləndirilən şəxsləri ziyarət etdim. Mixeil Saakaşvilini də ziyarət etdim və onunla danışdım, ildə bir dəfə bütün cəzaçəkmə müəssisələrinə gedirəm və məhkumları özüm ziyarət edirəm, bu səfər də bu məqsədə xidmət edirdi- bu haqda xalq müdafiəçisi Levan İoseliani deyib.

Ombudsman, Mixeil Saakaşvilinin səhhəti ilə bağlı danışa bilməyəcəyini, lakin əvvəlki səfərlə müqayisədə xeyli yaxşı göründüyünü bildirib.

“Mixeil Saakaşvilinin səhhəti ilə bağlı danışa bilmərəm, lakin əvvəlki səfər zamanı Mixeil Saakaşvilinin fiziki olaraq necə olması ilə müqayisə etsək, çox daha yaxşı görünür. Onun cəzaçəkmə müəssisəsinə qayıtması ilə bağlı heç bir söz-söhbət olmayıb, bu nə mənim, nə də klinikanın səlahiyyətindədir. Onun səhhəti ilə bağlı məlumat aldım, amma bu barədə açıq danışa bilmirəm. Qısa söhbətimiz oldu, il boyu onun vəziyyəti ilə bağlı mütəmadi olaraq monitorinq apardığımıza və bu barədə ictimaiyyətə məlumat verdiyimizə görə Xalq Müdafiəçisi Aparatına təşəkkür etdi. Mən də ona dedim ki, bizim tərəfimizdən, mandatımız çərçivəsində təkcə onun üçün deyil, hamı üçün ediləcək hər şeyi mütləq edəcəyik. Mənə və ya həkimlərə yönəlik heç bir xüsusi tələbi olmayıb”-İoseliani açıqlayıb.