Araxamianın gürcü soyadına malik olmasına baxmayaraq, o, Gürcüstan vətəndaşı deyil, bu səbəbdən başqa ölkə vətəndaşının Gürcüstanın daxili siyasi məsələlərinə müdaxiləsi düzgün deyil, – bu barədə “Vətəndaşlar” partiyasının üzvü Levan İoseliani bildirib.

“Onun öz fikri ola bilər, lakin başqa ölkənin siyasətinə bu şəkildə müdaxilə etmək Ukrayna ilə Gürcüstan arasında illər ərzində mövcud olan münasibətləri aşır.

Araxamia və “Milli Hərəkat”ın liderlərinin dostluğu barədə çox eşitmişəm, lakin onun açıqlamalarının arxasında nə dayandığı barədə mülahizə yürüdə bilmərəm. Dəqiq bildiyim odur ki, daxili siyasətə bu cür müdaxilə , onların siyasi xətti ilə razılaşmayan hər kəsi tənqid etmək düzgün deyil. Biz Araxamiaya Gürcüstandan danışmaq qadağası qoya bilmərik, lakin bu, Gürcüstan-Ukrayna münasibətlərinin layiq olduğu şey deyil” – deyə Levan İoseliani bildirib.

Ukrayna Radasının “Xalqın Xidmətçisi” fraksiyasının lideri Davit Araxamia dünən media vasitələrindən birinin efirində Gürcüstana gəlməyə, gürcü siyasətçilərini Avropa liderləri ilə əlaqələndirməyə və ölkəyə Avropaya inteqrasiya prosesində kömək etməyə hazır olduğunu bildirib.