İyun ayında iqtisadiyyat 7,7%-lə artıb, bu o deməkdir ki, yanvar-iyun ayı da daxil olmaqla Gürcüstan iqtisadiyyatı orta hesabla 7,6%-lə artıb, bu, region və daha geniş şəkildə, Avropa və Asiya ölkələri ilə müqayisə etsək xüsusilə yüksək iqtisadi artımdır-bu barədə iqtisadiyyat naziri Levan Davitaşvili açıqlayıb.

O bildirib ki, iqtisadi artımın əsasını bir çox istiqamətlərdə iqtisadi aktivliyin artması təşkil edir.

“Ölkənin əvvəlki iki ildə, 2021-2022-ci illərdə ikirəqəmli iqtisadi artım əldə etməsi fonunda bu xüsusilə diqqətəlayiqdir və belə yüksək artımın saxlanılması ölkənin iqtisadi transformasiyası baxımından xüsusi əhəmiyyət kəsb edir. Səbəbinə gəlincə, iqtisadi artımın əsası nədir, bunun əsası bir çox istiqamətlərdə iqtisadi aktivliyin artmasıdır, hərçənd iqtisadi aktivliyin artımı bilavasitə ölkə hökumətinin apardığı sabitlik və sülhsevər siyasətlə bağlıdır. Açıq şəkildə demək istərdim ki, xüsusilə diqqətəlayiq töhfə verənlərdən biri də turizm sektorudur. İlk iki rüb ərzində turizmdən əldə olunan gəlir təxminən 800 milyon dollar təşkil edir, bu 2019-cu ilin göstəricisini 20%-dən çox aşır və ötən ilin göstəricilərindən daha çoxdur, müvafiq olaraq, turizmin bərpası baxımından olduqca heyrətamiz göstəricilərimiz var və bu, ölkəmizin əhalisinin rifahına birbaşa, ani təsirlərdən biridir” – deyə Davitaşvili açıqlayıb.