İqtisadiyyat və Dayanıqlı İnkişaf Nazirliyində ödənişli təcrübə hökumət proqramına başlanılıb. Bu haqda məlumatı İqtisadiyyat Nazirliyi yayır.

Birinci vitse-baş nazir, iqtisadiyyat və dayanıqlı inkişaf naziri proqramın iştirakçıları ilə görüşüb, onları müsabiqədə qazandıqları qələbə münasibətilə şəxsən təbrik edib və onlara uğurlar arzulayıb.

“Biz yüksək performanslı tələbələr və məzunlarla müsahibələr apardıq, onlar İqtisadiyyat və Dayanıqlı İnkişaf Nazirliyində, dövlət sektorunda işləməyə başlayacaq və təcrübə qazanacaqlar, bu da düşünürəm ki, onların karyera yüksəlişi baxımından olduqca mühüm, dönüş nöqtəsi olacaq. Yeni, səriştəli, maraqlı və motivasiyalı kadrları qəbul etmək bizim üçün maraqlıdır və düşünürəm ki, bu, son nəticədə həm onlara, həm də dövlət strukturlarına fayda verəcək gənclər üçün xüsusi təcrübə olacaq” – Levan Davitaşvili qeyd edib.

Dörd aylıq ödənişli təcrübə hökumət proqramının iştirakçılarının seçimi müsabiqə yolu ilə oldu – seçim zamanı əsas meyar təcrübədən keçmək istəyən gənclərin akademik performans (GPA) göstəricisi və bal sistemi olub. Nazirlikdə keçirilən müsahibə zamanı akademik performansı daha yüksək olan namizədlərə üstünlük verilib. Nazirliyin mərkəzi aparatında və tabeliyində olan qurumlarda ümumilikdə 86 nəfər (34-ü mərkəzi aparatda, 52-si tabeliyində olan qurumlarda) təcrübə keçəcək.

Bununla yanaşı, nazirlikdə işlə təmin olunmuş təcrübəçilər iqtisadiyyat, hüquq, biznesin idarə edilməsi, energetika, maliyyə/audit, strateji kommunikasiya, beynəlxalq münasibətlər, turizm, ərazi planlaşdırması, geologiya/kartoqrafiya, rabitə/informasiya və kommunikasiya texnologiyaları, nəqliyyat/logistika, ictimai idarəetmə və s. kimi bir sıra istiqamətlərdə çalışacaqlar. Təcrübə proqramının iştirakçıları nazirliyin və onun tabeliyindəki qurumların fəaliyyətində tam iştirak etmək, hərtərəfli məlumat almaq və dövlət qurumlarının fəaliyyət xüsusiyyətləri ilə ətraflı tanış olmaq imkanı əldə edəcəklər, bu da son nəticədə onlar üçün böyük peşəkar təcrübə olacaq.

“Bu, gənclərə karyera inkişafı imkanı verən çox mühüm təşəbbüsdür və gələcək illərdə də davam edəcək”- iqtisadiyyat naziri qeyd edib.