Gürcüstan namizəd statusunu layiqincə ala bildi və Avropaya inteqrasiya yolu ilə ləyaqətlə irəliləməyə davam edir – Gürcüstanın iqtisadiyyat və davamlı inkişaf naziri Levan Davitaşvili bu barədə açıqlayıb.

Davitaşvili Avropa İttifaqına üzvlüyün çox iş tələb etdiyini və iqtidarın bunu həyata keçirəcəyini bildirib.

“Namizəd statusu gürcü xalqı ilə yanaşı hakimiyyətin qələbəsidir. Hakimiyyətin və hakimiyyətin xarici siyasi qrupunun töhfələri ölçülməsə belə, faktlar bir şeydən xəbər verir. Gürcüstan namizəd statusunu layiqincə ala bildi və Avropaya inteqrasiya yolu ilə ləyaqətlə irəliləməyə davam edir. Hakimiyyətimiz şəraitində biz Avropa İttifaqına daha yaxınıq və ilk dəfə olaraq Gürcüstanın Avropa İttifaqına tamhüquqlu üzvlüyü üçün real şans yaranıb. Təbii ki, Avropa İttifaqına yekun üzv olmaq məqsədyönlü, konsolidasiya edilmiş və çoxlu iş tələb edir. Əminəm ki, biz Avropa İttifaqı ilə viza rejiminin liberallaşdırılmasına, azad ticarət razılaşmasına , assosiasiya çərçivəsində çoxsaylı islahatları uğurla həyata keçirə bilməyə, nəhayət, namizəd statusu almağa nail ola bildiyimiz kimi tezliklə üzvlüklə bağlı danışıqlara başlayacağıq. Bu proses özlüyündə çox vacib olacaq” – deyə Levan Davitaşvili açıqlayıb.