Gürcüstanın iqtisadiyyat naziri Levan Davitaşvili ətraf mühitin mühafizəsi və kənd təsərrüfatı, daxili işlər və müdafiə nazirlərinin Borcomi Munisipalitetində yanğının qarşısının alınması işləri ilə yerində tanış olacaqlarını bildirib.

Davitaşvili, küləyin yanğının söndürülməsi prosesini çətinləşdirməyəcəyi təqdirdə, yanğının iki gün ərzində tamamilə söndürüləcəyinin ehtimal edildiyini bildirib.

Bununla yanaşı, nazir hazırkı mərhələdə yanğının əhaliyə keçmə riskinin olmadığını bildirib.

“Bu gün hökumətin iclası formatında bu məsələ ilə bağlı müzakirə apardıq. Üç nazir – ətraf mühit və kənd təsərrüfatı , daxili işlər və müdafiə naziri Borcomi Munisipalitetində olacaq, onlar yanğınsöndürmə işləri ilə yerindəcə tanış olacaqlar, daha çox ünsiyyət vasitələrimiz olacaq və onlardan daha çox məlumat alacağıq. Bu günə olan məlumata görə, yanğın lokallaşdırılır, əgər külək güclənməsə və hava şəraiti imkan versə, prinsipcə, bir-iki gün ərzində yanğın ocaqları tamamilə söndürülməlidir.

Lakin, bunun çox çətin proses olduğunu bilirsiniz. Hava şəraitinin necə olacağından çox şey asılıdır. Külək o cümlədən aviasiyaya işləməyə imkan verərsə, yanğını lokallaşdırmaq daha asan olacaq. Bizim üçün yanğının əlavə ərazilərə keçməməsi məqsədilə ilk növbədə yanğının lokallaşdırılması vacibdir . Hazırda əhaliyə yayılma riski yoxdur. Bu vaxt üçün yanğın 150 hektara qədər ərazidə yayılıb, bu həmişəyaşıl bitkilərin olduğu ərazilər olmasa da, bu hissəyə meşənin ön hissəsi, ot və kolluq ərazilər daxildir. Bundan irəli gələrək, ziyan və itki barədə danışmaq üçün hələ tezdir, lakin gələcəkdə daha çox məlumata sahib olacağıq.

Sadəcə olaraq, hökumətin qəbul etdiyi qərarın çox mühüm olduğunu demək istərdim və baş nazirin qərarı ilə ordu bu prosesə cəlb olundu, Müdafiə Nazirliyinin qüvvələrinin istifadəsi kritik əhəmiyyət kəsb edir. Biz Borcomidə baş vermiş əvvəlki yanğınları da xatırlayırıq və onların mühüm, hətta həlledici rol oynadıqlarını bilirik və bu halda da yanğının vurduğu zərərin minimuma endirilməsi üçün müdafiə qüvvələrinin vaxtında, operativ şəkildə səfərbər olunması son dərəcə vacib olacaq. Lakin, Gürcüstanda iqlim və isti hava ilə əlaqədar bir çox başqa yanğın ocaqlarımız da var, bu vəziyyətlə başa çıxmaq çətindir. Bir çox Avropa ölkələsində yüksək temperatur səbəbindən kifayət qədər problem var. Təəssüfdoğurucu məlumatlar yayılır, məsələn, bu il Portuqaliyanın qorunan ərazilərinin 10%-i yanğın nəticəsində faktiki olaraq məhv olub və belə bir vəziyyətdə biz xüsusilə diqqətli olmalıyıq, təbiətlə ehtiyatlı davranmalıyıq və bu problemin öhdəsindən gəlmək üçün hökumət tərəfindən əlbəttə ki, birgə, razılaşdırılmış şəkildə tədbirlər zəruridir” -deyə Levan Davitaşvili bildirib.