“Gürcü Arzusu” gürcü xalqının tarixi seçiminə xəyanət etdi, konstitusiya çərçivəsindən çıxdı, Konstitusiyanın 78-ci maddəsini pozdu, dinc nümayişi vəhşicəsinə dağıtdı, “Gürcü Arzusu” cəmiyyətdə böyük narahatlıq yaradan qanun layihəsinə tez səs vermək və bununla da etirazı neytrallaşdırmaq istəyirdi, lakin əksi baş verdi-bu barədə “Lelo”nun açıqlamasında deyilir.

“Lelo”nun bəyanatında deyildiyi kimi, indi hamı səylərini birləşdirməlidir.

“Gürcü Arzusu”na demək istəyirik ki, mübarizə indi başlayır və bu mübarizə Gürcüstanın azadlığı uğrunda mübarizə adlanır. Cəmiyyətdə, gənclər arasında qəzəb olduqca böyükdür. Heç bir siyasi qüvvə Gürcüstanın tarixi seçimini dəyişə bilməz. Yaranmış böhranlı vəziyyətdə cəmiyyətin, hakim çoxluğun birinci oxunuşda qəbul edilmiş qanunu dərhal geri çəkməsi tələbini dəstəkləyirik; Hakimiyyəti Zurab (Qirçi) Caparidzeni və dünənki aksiyada saxlanılan digər şəxsləri dərhal azad etməyə çağırırıq; Biz vətəndaş cəmiyyətinə, müxalifət qruplarına, mediaya müraciət edirik: rus qanununa səs verən 78 deputatı ifşa etmək üçün səyləri birləşdirək. Qanunu dəstəkləyən deputatlara sanksiya tətbiq edilsin. Qanun tərəfdarlarının sanksiyalaşdırılması məsələsində Qərbli tərəfdaşlar ilə işləyəcək vətəndaş cəmiyyəti və siyasi partiyalardan ibarət xüsusi qrup yaradılsın. Kütləvi və davamlı formada konstitusiya çərçivəsində mübarizə davam etsin, bu mübarizənin uzunmüddətli prosesidir. İndi birlik, Gürcüstanın milli və dövlət maraqları uğrunda birgə mübarizə aparmağın vaxtıdır”- deyə bəyanatda deyilir.