Latviyanın Bauska şəhərində gürcü guşəsi açılıb

Gürcü gənclər təşkilatlarının nümayəndə heyətinin Latviyaya səfəri çərçivəsində, Bauska şəhərindəki yerli gənclər təşkilatı — “Gənclərin zamanıdır” klubunun ofisində gürcü guşəsinin təntənəli açılışı olub.

Bu təşəbbüs, gürcü və Latviya gənclər təşkilatları arasında mövcud olan sıx əməkdaşlığın praktiki nəticəsidir və hər iki ölkənin gəncləri arasında vətəndaş dialoqunun dərinləşdirilməsi və xalq diplomatiyasının rolunun gücləndirilməsi məqsədini daşıyır.

Yeni açılmış gürcü guşəsində yerli gəncləri və qonaqları Gürcüstanın zəngin irsi ilə tanış edəcək Gürcüstan tarixi, mədəniyyəti və incəsənəti haqqında xüsusi seçilmiş ədəbiyyat, eləcə də gürcü mədəniyyətinə məxsus müxtəlif elementlər yer alıb.

Məkan dövri olaraq Gürcüstan haqqında maarifləndirici və mədəni tədbirlərə ev sahibliyi edəcək. Bununla yanaşı, ikitərəfli əməkdaşlıq çərçivəsində hər il Latviyaya gürcü könüllülərin göndərilməsi planlaşdırılır, onlar Latviya gənclər təşkilatlarının fəaliyyətinə birbaşa qoşulacaq və gürcü və latış gəncləri arasında tərəfdaşlıq münasibətlərinin daha da möhkəmlənməsinə öz töhfələrini verəcəklər.

Gürcü gənclər hesab edirlər ki, Bauskada açılan Gürcüstan guşəsi kimi ocaqların mövcudluğu xalqların yaxınlaşmasına və Gürcüstanın Avropaya inteqrasiyası prosesinə əhəmiyyətli dərəcədə töhfə verəcək.

Səfər Latviya Respublikası Xarici İşlər Nazirliyinin dəstəyi ilə həyata keçirilib.