Latviya prezidenti Eqil Levitsin sözlərinə görə, NATO-nun dünənki sammitində açıq qapı siyasətinin qalacağına dair mütləq yekdil fikir var idi.

Onun dediyinə görə, müdafiə təşkilatına üzv olmaq istəyən dövlətlər alqışlanır.

Eyni zamanda, Latviya prezidentinin qeyd etdiyi kimi, Alyans üzvləri Gürcüstanın baş naziri İrakli Ğaribaşvilinin sammitdə iştirakından şaddılar.

“Dünən biz müzakirə etdik və aramızda açıq qapı siyasətinin qalacağına dair mütləq yekdil fikir var idi. Dünənki görüşdə Gürcüstanın baş nazirinin də iştirakı bizi sevindirdi. Bu, bizim Gürcüstana açıq olduğumuzun bariz göstəricisidir. Biz gələcəkdə Ukraynaya da açığıq. Beləliklə, açıq qapı siyasəti NATO-nun çox mühüm prinsipidir, çünki NATO müdafiə birliyidir, müdafiə təşkilatıdır və biz bu müdafiə təşkilatına üzv olmaq istəyən dövlətləri alqışlayırıq. Qapılarımız açıqdır. Dünən iki yeni üzv – İsveç və Finlandiya haqqında da qərar qəbul edildi. Biz Finlandiya və İsveçi birliyimizdə alqışlayırıq”, – Latviya prezidenti bəyan etdi.