İsraillə Gürcüstan arasında əlaqələr dinamik inkişaf edir, biz daim bütün istiqamətlərdə inkişaf edirik, regional nöqteyi-nəzərdən sıx əməkdaşlığımız var, ticarət-iqtisadi əlaqələrimiz artır və biz artıq o yerə gəlib çatmışıq ki, azad ticarətlə bağlı danışıqlara başlayacağıq  – bu barədə Gürcüstanın İsrail Dövlətindəki fövqəladə və səlahiyyətli səfiri Laşa Jvania Gürcüstanın Baş naziri İrakli Ğaribaşvilinin İsrailə səfəri barədə danışarkən deyib.

Onun sözlərinə görə, əməkdaşlıq gələcəkdə daha da inkişaf edəcək.

“Hamınız bilirsiniz ki, turizm öz zirvəsindədir və biz gələcəkdə Gürcüstana daha çox israilli qonaqların gəlməsini gözləyirik. Regional mənada İsrail bizim tərəfdaş ölkəmizdir, biz də İsrail üçün etibarlı tərəfdaşıq, ona görə də iki ölkə arasında daha sıx əməkdaşlıq platforması artıq qurulub, möhkəm təmələ malikdir və gələcəkdə daha da inkişaf etdiriləcək.” – Laşa Jvania bildirib.