Gürcüstanın İsraildəki səfiri Laşa Jvania İsraildə Gürcüstan vətəndaşlarının xəsarət alması və ya itkin düşməsi ilə bağlı səfirliyə heç bir məlumatın daxil olmadığını bildirir.

O, Gürcüstan vətəndaşının qızı olan və İsraildə doğulmuş Tamar Qoldenberqin hələ də tapılmadığını bildirib.

“Qəzza sektorunda hərbi əməliyyat aparılır. Dünən İsrailin mərkəzində vəziyyət nisbətən sakit idi, hərçənd Aşkelon və Aşdod, eləcə də Beer-Şevada hava hücumları qeydə alındı. İsrailin hava hücumundan müdafiə sistemi hücumların böyük əksəriyyətini dəf edib. Gürcüstan vətəndaşlarının xəsarət alması və ya itkin düşməsi ilə bağlı məlumat daxil olmayıb.

Bir tək Tamar Qoldenberqin izinə indiyə qədər rast gəlinməyib. Gürcüstan vətəndaşının övladıdır, Abxaziyadandırlar, 30 il əvvəl gəliblər. Tamar burada doğulub, onun izinə indiyə qədər rast gəlinməyib, ehtimal ki, qaçıranların əlindədir. Onun haqqında məndə olan məlumat bundan ibarətdir. Bu gün döyüş zamanı qəhrəmancasına həlak olmuş cəsur gürcü yəhudisi Moşiaşvilinin dəfn mərasimi keçirilir. Onun qardaşı 2014-cü ildə hərbi əməliyyat zamanı həlak olub. Bu böyük faciə bizim gürcü yəhudilərinin ailəsində baş verdi” – deyə Laşa Jvania bildirib.