Gürcüstanın xarici işlər nazirinin müavini Laşa Darsalia Cenevrə Beynəlxalq Danışıqlarının 58-ci raundunun əsas mövzularının 6 bəndlik plan və onun əsas məsələləri, məsələn, işğalçı qüvvələrin Gürcüstan ərazilərindən çıxarılması və köçkünlərin qayıdışı olacağını bildirib.

Darsalia Gürcüstanın bütün beynəlxalq ictimaiyyətin dəstəyinə malik olduğunu və öhdəliklərini yerinə yetirmək üçün Rusiya Federasiyasına təzyiqlərin getdikcə artdığını bildirib.

“Xüsusilə Gürcüstanın işğal olunmuş ərazilərində fon daha da ağırlaşıb. Rusiya Federasiyasının və onun işğalçı rejimlərinin destruktiv hərəkətləri davam edir. Bu raund məhz bu fonda keçirilir. Əsas mövzular 6 bəndlik təklif və onun əsas məsələləri – işğalçı qüvvələrin Gürcüstan ərazilərindən çıxarılması və məcburi köçkünlərin geri qaytarılmasıdır. Bir qayda olaraq, qaçqınlar mövzusu gündəmə gələn kimi Rusiya Federasiyası hər zaman raundu pozur, lakin mühüm olan odur ki, bu gün və ya sabah Rusiya beynəlxalq öhdəlikləri yerinə yetirməli olacaq. Bu məsələdə tərəfdaşlarımızın mövqeyi xüsusi rol oynayır, mən bunu ayrıca vurğulamaq istərdim. Gürcüstanın tərəfdaşlarından, Avropa İttifaqından, ABŞ-dan, bütövlükdə beynəlxalq ictimaiyyətdən aldığı dəstək Cenevrədə artmaqdadır və Rusiya Federasiyasına öhdəliklərini yerinə yetirmək üçün təzyiqlər getdikcə artır. Bildiyiniz kimi, hazırda çoxlu sayda Gürcüstan vətəndaşı saxlanılıb, Rusiya vaxtaşırı Gürcüstan vətəndaşlarını saxlayır və bundan təzyiq mexanizmi kimi istifadə edir və sonra onların bir qisminin azadlığa buraxılmasını müsbət və irəliyə doğru atılan addım kimi göstərir. Bu, şübhəsiz ki, təxribat xarakterli addımdır və ümumiyyətlə, təxribatçı siyasətdir” -deyə Laşa Darsalia Cenevrədə jurnalistlərə açıqlayıb.