Gəlirlər Xidmətindən verilən məlumatda Kutaisi hava limanında mənşəyi bilinməyən qızıl məmulatların gətirilməsi faktlarının qarşısının alındığı deyilir.

“Maliyyə Nazirliyinin Gəlirlər Xidmətinin “Kutaisi Hava Limanı” gömrük-keçid məntəqəsində, gömrük zabitləri tərəfindən şübhə əsasında Gürcüstan, Qazaxıstan və Yunanıstan vətəndaşlarının həm üzərlərinə, həm də şəxsi yüklərinə baxış nəticəsində mənşəyi bilinməyən qızıl-zinət əşyaları (ümumi çəkisi 524,94 qram) aşkar edilib. Mənşəyi bilinməyən malın ümumi gömrük dəyəri 42 154,61 lari təşkil edib.

Gürcüstan Gömrük Məcəlləsinin 168-ci maddəsinin birinci hissəsinə əsasən, qanunu pozan vətəndaşlara qarşı sanksiya olaraq 42 154,61 lari məbləğində cərimə tətbiq edilib” – deyə idarədən bildirilib.