Kutaisi hava limanı bu ayın sonuna kimi dəmiryol vağzalı ilə birləşdiriləcək. İqtisadiyyat Nazirliyindən verilən məlumata görə, stansiyanın tikintisi başa çatıb və yaxın vaxtlarda o, sərnişinlərin qəbuluna başlayacaq.

“Kutaisi üçün, eləcə də özəl sektor və əhali üçün mühüm obyekt olacaq stansiya Kutaisi hava limanında hərəkətliliyi artırmağa və səyahət edənlərin hava limanına daxil olmasını asanlaşdırmağa kömək edəcək”, – Gürcüstan İqtisadiyyat Nazirliyi Birinci Kanala bildirib.

“İnjmşeni 96” Kutaisi hava limanı yaxınlığında yeni dəmir yolu stansiyası tikir. Gürcüstan Dəmir Yolunun şirkətlə 1,247 milyonluq müqaviləsi var.

Layihə çərçivəsində stansiyanın binası həm daxili, həm də xaricdə bərpa edilib. Bina fiziki məhdudiyyətli insanlar üçün uyğunlaşdırılacaq. 2 nömrəli platforma pilləkənlərin və rampaların quraşdırılması nəzərə alınmaqla qaldırılacaq. 2 nömrəli platformada dekorativ stullar və səbətlər olan gözləmə yerləri təşkil olunacaq. Hər iki platformada məlumat lövhələri  quraşdırılacaq. Piyada körpüsünün bərpası və genişləndirilməsi nəzərdə tutulub. Körpüdə 3 ədəd lift quraşdırılacaq ki, bu da fiziki məhdudiyyəli şəxslərin platformalarla dəmiryol vağzalının binası arasında maneəsiz hərəkətini təmin edəcək. Sərnişinlərin daşınması dəmir yolu ilə hava limanı arasında sferiklər deyilən nəqliyyat vasitələri ilə həyata keçiriləcək.