Kutaisi Beynəlxalq Hava Limanı oktyabrın 31-dən reysləri qəbul edə biləcək – bu barədə Kutaisi Beynəlxalq Hava Limanının “Facebook” səhifəsində yayılan məlumatda deyilir.

“Aeroportumuzun sərnişinlərinin nəzərinə! Əlverişsiz meteoroloji şəraitlə əlaqədar uçuş-enmə zolağında bərpa işləri hələ də davam edir və hava limanı oktyabrın 31-dən uçuşları qəbul edə biləcək. Bu müddət ərzində uçuşlar Tbilisi Beynəlxalq Hava Limanından həyata keçiriləcək.

Bu barədə Kutaisi Beynəlxalq Hava Limanında fəaliyyət göstərən aviaşirkətlər (Wizz Air, Wizz Air Abu Dhabi, FlyArystan) məlumatlandırılıb və öz növbəsində sərnişinləri məlumatlandırıblar/məlumatlandıracaqlar” – deyə Kutaisi Beynəlxalq Hava Limanının məlumatında qeyd olunub.