Konstitusiya Məhkəməsində prezidentin impiçmenti proseduru ilə bağlı müzakirə başa çatıb.

Bugünkü iclas sual-cavab rejimində davam edib. Müzakirənin sonunda tərəflər hakimlərin plenumu qarşısında yekun çıxışlarını ediblər.

Müzakirələr mahiyyəti üzrə yekunlaşdıqdan sonra Konstitusiya Məhkəməsinin hakimlər plenumu qərar qəbul etmək üçün salonu tərk edib. Konstitusiya Məhkəməsinin sədri Merab Turavanın qeyd etdiyi kimi, plenum konstitusiyada nəzərdə tutulmuş müddətlərdə Gürcüstan parlamentinə təqdim olunacaq və Konstitusiya Məhkəməsinin saytında da dərc olunacaq qərarı qəbul edəcək.

“Üç gün ərzində bu prosesi yürütmək asan olmadı, lakin nəhayət ki, biz bütün mərhələlərdən keçdik və müvafiq olaraq, 1797-ci konstitusiya təqdimatının müzakirəsi bununla başa çatdı. Müvafiq olaraq, Gürcüstan Konstitusiya Məhkəməsi Plenumunun rəyi konstitusiya ilə müəyyən edilmiş müddətdə Gürcüstan parlamentinə göndəriləcək və təqdim ediləcək. Bununla da bugünkü iclası yekunlaşdırırıq ”- Merab Turava bildirib.

Gürcüstan parlamentinin 80 üzvü Gürcüstan Prezidentinin Gürcüstan Konstitusiyasını pozması ilə bağlı konstitusiya təqdimatı təqdim edib. Konstitusiya təqdimatlarının məzmunlu müzakirəsi oktyabrın 3-də başlayıb və bu gün başa çatıb.

Konstitusiya təqdimatında müzakirə predmeti Gürcüstan Prezidentinin hökumətin razılığı olmadan xarici əlaqələrdə nümayəndəlik səlahiyyətlərini həyata keçirməsi səbəbindən Gürcüstan Konstitusiyasının 52-ci maddəsinin 1-ci bəndinin “A” yarımbəndinin mümkün pozulmasıdır.

Prezidentin Konstitusiya Məhkəməsindəki nümayəndələri Tamar Çuqoşvili və Maia Kopaleişvilidir.