İsrail Knessetinin sədri Əmir Ohana deyib ki, Gürcüstan və yəhudi xalqı arasında 2600 illik əlaqə ölkələrimiz arasında əsl münasibətə çevrilib və biz bu əlaqələri parlamentlər arasında da nümayiş etdirməyə gəlmişik – bu haqda Davit Baazov adına Gürcü-Yəhudi Münasibətləri Tarixi Muzeyində çıxışı zamanı Əmir Ohana qeyd edib. O, gürcü şindleri adlandırılan Serqo Metrevelinin şərəfinə keçirilən mərasimdə iştirak edib və onun nəslinə fəxri fərmanlar təqdim edib.

“Knessetin spikeri kimi Gürcüstana səfərim burada, Yəhudi Muzeyində başladı. Hətta 80 il keçsə də, biz hələ də bəzi saleh xalqları, bəşəriyyəti qoruyub saxlayan və ən qaranlıq vaxtlarda yəhudilərin həyatını xilas edən çox az adamları xatırlayırıq. Onlardan biri Serqo Metreveli idi. Holokost zamanı etdiklərinə görə ona və bütün ailəsinə minnətdaram. Biz dünyada antisemitizmin artmasını narahatlıqla görürük, amma mən hörmətlə deyirəm ki, siz bunu Gürcüstanda görə bilməzsiniz. Gürcüstanda əhali və hökumət yəhudi icmalarına hörmətlə yanaşır və biz bunu bu muzeydə görə bilərik. Biz buna hörmət edirik və qiymətləndiririk. Ölkələrimiz arasında əlaqələr getdikcə möhkəmlənir. Gürcüstanla yəhudi xalqı arasında 2600 illik əlaqə ölkələrimiz arasında əsl münasibətə çevrildi və biz bu əlaqələri parlamentlər arasında da nümayiş etdirməyə gəlmişik. Sabah Gürcüstan parlamentinə səfər edəcəm, bu ölkənin yüksək vəzifəli siyasətçiləri ilə çoxlu görüşlərim var. Məqsədimiz bu iki böyük xalq arasında əlaqələri gücləndirmək və dərinləşdirməkdir”, – deyə İsrail Knessetinin sədri Əmir Ohana tədbirdəki çıxışında bildirib.

Bu gün İsrail Knessetinin sədri Əmir Ohananın Gürcüstana rəsmi səfəri başlayıb. Sentyabrın 4-də Knessetin spikeri Gürcüstanın qanunvericilik və icra hakimiyyəti orqanlarının nümayəndələri ilə görüşlər keçirəcək. Parlamentin spikeri Şalva Papuaşvili qanunverici orqanda Əmir Ohananı qəbul edəcək. Görüşdən sonra iki ölkənin parlament sədrləri mətbuata birgə bəyanatla çıxış edəcəklər.

Amir Ohana Gürcüstanın baş naziri İrakli Qaribaşvili, xarici işlər naziri İlia Darçiaşvili və Ali Məhkəmənin sədri Nino Kadaqidze ilə görüşəcək. Sentyabrın 5-də Gürcüstan parlamentinin plenar iclasında gürcü deputatlar İsrail Dövləti Knessetinin sədrini və onu müşayiət edən nümayəndə heyətini qarşılayacaqlar.