Təhlükəsizlik qüvvələri Sudanın paytaxtında demokratiya tərəfdarı olan nümayişçilərə qarşı gözyaşardıcı qazdan istifadə edib. Bu barədə “BBC” məlumat yayıb.

Ölkənin paytaxtı Xartumda mitinqdə iştirak edən müəllimlər təhlükəsizlik qüvvələri tərəfindən saxlanılıb. Nümayişçilər keçən ay baş vermiş çevrilişə etiraz etməyi planlaşdıran vətəndaş iğtişaşlarının bir hissəsi olaraq barrikadalar qurublar. Etirazçılar hərbi hökumətin istefasını və dinc yolla mülki idarəçiliyə keçidi tələb edirlər.

Ərəb Liqasının vasitəçiləri böhranı yüngülləşdirmək üçün Sudandadır. Sudanın baş nazirinin ev dustağı olduğu və hərbçilərin ona əməkdaşlığa razı olması üçün təzyiq etdiyi bildirilir.

Keçən ay çevrilişin lideri general Əbdül Fəta əl-Burhan hökumətin bölüşdürülməsi sazişinin mülki hissəsini ləğv etdi və fövqəladə vəziyyət elan etdi.