“Milli Hərəkat”ın üzvü Xatia Dekanoidze parlamentin boykot edilməsinin və mandatların buraxılmasının tərəfdarı olmadığını bildirir.

Dekanoidzenin sosial şəbəkədə yazdığı kimi, prosesin radikallaşması yanlış getsə, bu, partiya və Mixeil Saakaşvili üçün olduqca ağır problem olacaq.

O, hazırda tərəfdaşların etibarını itirməməyin vacib olduğunu bildirib

“Mən parlament, sakrebuloların boykot edilməsinin və ya mandatların nəticəsiz buraxılmasının tərəfdarı deyiləm. İndi ən əsası hadisələrə rasional baxmaq və tərəfdaşlarımızın etibarını itirməməkdir. Biz tərəfdaşlarımızın əhval-ruhiyyəsini bilirik.

Prosesin radikallaşması yanlış getsə (kütləvi etirazı nəzərdə tutmuram), bu, partiya və Mişa üçün olduqca ağır problem olacaq. Yol daha marjinal proseslərə getdikcə Mişanı buraxmayacaqlar. Mişanın məsələsinin həlli əhəmiyyətli beynəlxalq təzyiq üzərində işləməkdən keçir. İvanişvili təhlükə hiss etməlidir. 1,5 ildir ki, bunun üzərində işləyirik (bir sıra səbəblərə görə hər şeyi deyə bilmərəm). Bu gün isə bunun əksini görür. Rasionallıq və həqiqəti açıq danışmaq qabiliyyətinə nə qədər çox malik olarsaq, bu, vətənimizin maraqları üçün bir o qədər yaxşıdır” -deyə Dekanoidze yazır.

Parlamentdə keçirilən brifinqdə “Milli Hərəkat”ın üzvləri “Milli Hərəkat”ın bundan sonra parlamentin fəaliyyətində iştirak etməyəcəyini və mandatları buraxmaqla bağlı məsləhətləşmələrin davam etdiriləcəyini açıqlayıblar.