Gürcüstan Cenevrə Beynəlxalq Danışıqlarında ən mühüm məsələlər üzrə irəliləyişə nail olmaq üçün səylərini davam etdirir və gələcəkdə də davam etdirəcək və növbəti raund üçün hazırlaşır-bu barədə Gürcüstanın Xarici İşlər Nazirliyinin Mətbuat və İnformasiya Departamenti məlumat yayır.

Gürcüstanın Birinci Kanalı Xarici İşlər Nazirliyinə işğal olunmuş Abxaziyanın de-fakto hökumətinin “Moskvanın Cenevrə müzakirələrini başqa yerə, çox güman ki, Minskə və ya Bakıya köçürmək istədiyi” bəyanatı ilə bağlı sualla müraciət edib. Abxaziyanın de-fakto xarici işlər naziri İnal Ardzinbanın sözlərinə əsasən, “Gürcüstan gücdən istifadə etməmək haqqında qarşılıqlı məcburi sazişin imzalanması ilə bağlı siyasi dialoqdan imtina edir”.

Xarici İşlər Nazirliyinin bəyanatına əsasən, Cenevrə Beynəlxalq Danışıqları formatı mühüm platformadır.

“Cenevrə Beynəlxalq Danışıqları formatı gürcü tərəfinin beynəlxalq tərəfdaşlarla birlikdə 2008-ci ilin 12 avqust tarixli atəşkəs sazişinin icrası, humanitar məsələlər və məcburi köçkünlərin geri qaytarılması kimi mühüm məsələlərdə irəliləyişə nail olmaq məqsədi üçün çalışdığı mühüm platformadır. Gürcüstan Cenevrə Beynəlxalq Danışıqlarında bu məqsədlə səylərini davam etdirir və gələcəkdə də davam etdirəcək və növbəti raund üçün hazırlaşır”, -Xarici İşlər Nazirliyinin Mətbuat və İnformasiya Departamentindən bildiriblər.